رمضان كريم

الجريدة

جاري تحميل المستجدات..

إستثناء: التسجيل في باك حر المغرب لموسم 2019 - 2020

السلام عليكم.. المهم الناس اللي عندهم تسائلات حول التسجيل وطريقة التسجيل اليقينية إلخ.. هذي أهم المسائل اللي خصكم تاخدها بعين الإعتبار وقبل ملتبقاش تخلعكم ديك الإلتزمات اللي كل واحد وشنو كايقول فيها بحال الصورة والخلفية ديالها ولا تاخدوا المطبوع (بطاقة الترشيح) بالألوان.. بلا مابقى اتفهم عليكم شي واحد، حيت أصلآ بعض الجهات كايخدوا تدبير مخالفة لجهات خرين، ولكن نبغيمن تحدزا بعين الإعتبار المعلومات اللي غادي تسجلوا تأكدوا أنها ضحيحة كيف مكتوبة فالوراق الرسمية ديالك - المهم أول حاجة تتدير دخل لهاذ الموقع: http://candidaturebac.men.gov.ma/CandidatBac/

  • اول حاجة عتلقى هاذ الصفحة قدامك وكليكي على {تسجيل طلب جدبد}

  • مللي تدخل غاتلقى قدامك واحد القانون انت إلزامي باش تخضع ليه (🤣)، المهم بمجرد تكليكي على {أطلع عليه} انت كتوافق على داكشي اللي فيه من إلتزمات وغايحولوك للصفحة باش تعمر بطاقة الترشيح

  • هنا غادي تلقى واحد المساحة اللي فيعا كتدحل معلمومات أولية باش إقارنها الموقع مع الملومات اللي مخزنة عندهوم ويشوفوك واش فايت دوزتي باك حر واش عندك وفاش من شعبة واش عندك شي عقوبة إثر الغياب في الإمتحان تـ الدورة تالسنة اللي فاتت.. المهم دخل المعلومات وكليكي على {بحث} "أنضر الصورة رقم 1"

  • دبا غادي تبدى عملية تسجبل المعلومات المهمة، 1 - ديك الصورة اللي كلشي مروناه اللي مهم بزااااف هو تكون انت فيها والسلام.. ديك الخلفية المهم ماتكونش شي حاجة موراك داكشي باش قالوا خلفية زرقة ولا رمادية المغزى هو لون مواحد، وبطبيعت الحال خصك تكون باين فيها مزيان ولا مكاين لاش!! القياسات ديالها هوما دايرين 35 بيكسل فالعرض و45 بيكسل فالطول مع العلم الى صغرتها لهاذ القياس غيولي فيك الطشاش ماعليك إلا تحول المقاسات لهذ الرقم ومضمونة: 95 بيكسل فالعرض و100 بيكسل فالطول الى تلفتي سير لسيبير وخود معاك تصويرة صغيرة من دوك 8 وقوليه إسكانيها ليك وإعطيها ليك رقمية إصيفتها ليك لتيليفون مثلآ.
    مقاسات مقبولة
    نمودج لصورة مقبولة


    2 - عنوان المراسلة هو العنوان اللي بغيتيهم اصفتوا ليك في دوك الدعوات تـ إمتحان الجهوي والوطني.. هو نفسو اللي غادي تكتب فالأضرفة المتنبرة وركزوا على متنبرة (🤬💔)

    3 - مسئلة الإعفاء من الرياضة.. فحالة الى قلتي ليهم بغيتي تعفى منها أنت ديك الساع ملزم باش تدي مع الوراق شهادة تالإعفاء وغالبآ كتكون من مستشفى عمومي الى كات خصوصي إحتمال كبير مايقبلوهاش، أما فحالة قلتي ليهم لا يعني غادي تمشي تدوز الرياضة وديك ساع دي معاك شهادة طبية وعطيها للمفتش مباشرة

    4 - أخر حاجة وقبل ماتكليكي على {حفظ المعطبات} راجع مزبان المعطيات ديالك شوف واش كاين شي غلاط صححو ، من بعد عايصيفتوك باش دير مراجعة أخرة للمعطيات ديالك ومن بعد غاعكيوك اطبع بطاقة الترشيح وواحد الإلتزام تيليشاريجهوم وسر كبعهوم وماشي ضروري اكونوا بالألوان غير الى بغاوا اشدو معاكم الزكير وصافي * أخر حاجة الإخوان داك الإيمايل اللي عطيتيهم سير قلب فالمسجات الجداد غتلقاهم مصيفتين ليك ميساج في كود مودباس وشي معلومات خرين هذوك تهلاو فيهم غتحتجهوم من بعد
  • ملاحظة: المعلومات اللي فالتصوار هي ملعومات وهمية غير حقيقية للتوضيح فقط.
الى كنتي محتاج لتوضيح أكثر وجاك هذشي مخربق دخل هنا شوف عالله غاندير إستثناء فهاد المقال.. وبالنسبة للاصحاب مسلك الأداب وعلوم إنسانية مزال نبارطاجي معاكم الدروس اللي تحتاجوا المهم من هنا لتماك إحن الله تعالى، ودعيوة تلخير أحسن شكر.. الله اوفقكم وينجحكم يارب

التعليقات:
: